صدقہ کے چند چھوٹے چھوٹے طریقے


صدقہ کے بارے میں ہم سب جانتے ہیں کہ یہ اللہ کے غصے کو کم کرتا هے۔ مگر ہماری اکثریت اگر زیادہ دینے کی سکت نہیں رکھتی تو تھوڑا دینے سے شرماتی ضرور ہے۔ صدقہ تو کھجور کے ایک دانے کو بھی کہا جاتا ہے۔ ہم کس طرح صدقہ کر کے اللہ کو راضی کریں۔، درج ذیل میں دیئے گئے چند افکار آپ کو راہ دکھا سکتے ہیں:

01: اپنے کمرے کی کھڑکی میں یا چھت پر پرندوں کیلیئے پانی یا دانہ رکھیئے۔

02: اپنی مسجد میں کچھ کرسیاں رکھ دیجیئے جس پر لوگ بیٹھ کر نماز پڑھیں۔

03: سردیوں میں جرابیں/مفلر/ٹوپی گلی کے جمعدار یا ملازم کو تحفہ کر دیجیئے۔

04: گرمی میں سڑک پر کام کرنے والوں کو پانی لیکر دیدیجیئے۔

05: اپنی مسجد یا کسی اجتماع میں پانی پلانے کا انتظام کیجیئے۔

06: ایک قرآن مجید لیکر کسی کو دیدیجیئے یا مسجد میں رکھیئے۔

07: کسی معذور کو پہیوں والی کرسی لے دیجیئے۔

08: پٹرول پمپ یا ریسٹورنٹ باقی کی ریزگاری ملازم کو واپس کر دیجیئے۔

09: اپنی پانی کی بوتل کا بچا پانی کسی پودے کو لگایئے۔

10: کسی غم زدہ کیلئے مسرت کا سبب بنیئے۔

11: لوگوں سے مسکرا کر پیش آئیے اور اچھی بات کیجیئے۔

12: کھانے پارسل کراتے ہوئے ایک زیادہ لے لیجیئے کسی کو صدقہ کرنے کیلئے۔

13: ہوٹل میں بچا کھانا پیک کرا کر باہر بیٹھے کسی مسکین کو دیجیئے۔

14: گلی محلے کے مریض کی عیادت کو جانا اپنے آپ پر لازم کر لیجیئے۔

15: ہسپتال جائیں تو ساتھ والے مریض کیلئے بھی کچھ لیکر جائیں۔

16: حیثیت ہے تو مناسب جگہ پر پانی کا کولر لگوائیں۔

17: حیثیت ہے تو سایہ دار جگہ یا درخت کا انتظام کرا دیجیئے۔

18: آنلائن اکاؤنٹ ہے تو کچھ پیسے رفاحی اکاؤنٹ میں بھی ڈالیئے۔

19: زندوں پر خرچ کیجیئے مردوں کے ایصال ثواب کیلئے۔

20: اپنے محلے  کے یا محلے کی مسجد کے کولر کا فلٹر تبدیل کرا دیجیئے۔

21: گلی اندھیری ہے تو ایک بلب روشن رکھ چھوڑیئے۔

22: مسجد کی ٹوپیاں گھر لا کر دھو کر واپس رکھ آئیے۔

23: مسجدوں کے گندے حمام سو دو سو روپے دیکر کسی سے دھلوا دیجیئے۔

24: گھریلو ملازمین سے شفقت کیجیئے، ان کے تن اور سر ڈھانپیئے۔

25: چھوٹے بچے کو ایک سورت یاد کرا کر ساری زندگی کیلئے اجر کا مستحق بنیئے

26: راستے سے ایذا دینے والی کوئی چیز جیسے کانٹا، پتھر یا کیلے کا چھلکا ہٹا دیجیئے۔

اگر صدقہ کیلئے آپ کے پاس کوئی اچھا اور قابل عمل آئیڈیا ہے تو اپنے تبصرہ میں اس کو شامل کیجیئے۔

Advertisements

About محمد سلیم

میرا نام محمد سلیم ہے، پاکسان کے شہر ملتان سے ہوں، تلاشِ معاش نے مجھے آجکل چین کے صوبہ گوانگ ڈانگ کے شہر شانتو میں پہنچایا ہوا ہے۔ مختلف زبانوں (عربی خصوصیت کے ساتھ) کے ایسے مضامین ضن میں اصلاح اور رہنمائی کے دروس پوشیدہ ہوں کو اردو میں ترجمہ یا تھوڑی سی ردو بدل کر کے ایمیل کرنا میرا شوق رہا ہے۔ میں اپنی گزشتہ تحاریر کو اس بلاگ پر ایک جگہ جمع کرنا چاہ رہا ہوں۔ میں مشکور ہوں کہ آپ یہاں تشریف لائے۔
This entry was posted in Uncategorized, اصلاحی. Bookmark the permalink.

8 Responses to صدقہ کے چند چھوٹے چھوٹے طریقے

  1. imran نے کہا:

    main dubai rahta hon or main Sadqa dena chahta hon. to kya koi bhai mujy yaha dubai me sadqa dene ka tariqa bataiy ga.q k yaha k mahool me pakistan k mahool me fark hai.yaha main kisy or kesy do or kya behtr hai sadka dene k lye.

  2. SarwatAJ نے کہا:

    A step towards a positive attitude along with the intention of sadqa.

  3. بہت اچھے آئیڈیاز ہیں اور قابل عمل بھی ہیں۔ انشاءاللہ حسب توفیق ان پر عمل کرنے کی کوشش کروں گا!

  4. نورمحمد نے کہا:

    شکریہ جی ۔ ۔۔ بہت ساری چیزیں ایسی ہیں جو ہم بآسانی کر سکتے ہیں ۔ ۔۔ بس تھوڑی سی توجہ دینے کی ضرورت ہوتی ہے !!!

  5. نعیم خان نے کہا:

    یقین جانیں یہ ہمیں چھوٹی چھوٹی باتیں لگتی ہیں مگر اس کا معاشرے اور ہماری شخصیت پر بہت گہرا اثر ہوتا ہے۔ میں نے بھی کئی باتیں آپ کی ان تجاویز سے سیکھیں ہیں اور دعا ہوگی کہ اللہ ہمیں اس پر عمل کرنے کی توفیق عطاء فرماے۔ آمین

  6. علی نے کہا:

    جزاک اللہ
    اللہ ہمیں نیکی کرنے کی توفیق عطا فرمائے

  7. سرفراز نے کہا:

    میں جس سگنل سے روز گزرتا ھوں، وھاں پر ایک خاتون گاڑی صاف کرنے کے کپڑے بیچتی ھیں۔ اگر نہ لو تو اصرار نھیں کرتی۔
    میں انشااللہ اس بار ان کی مدد کروں گا۔

  8. السلام علیکم ورحمتہ اللہ
    محمد سلیم بھائی اللہ آپ کو جزائے خیر دے۔ ان باتوں پر عمل کریں تو ہمارے معاشرے کی تعمیر بھی ہوگی اور اس کا بہت سارا اجر ہمیں آخرت میں بھی ملے گا۔

جواب دیں

Fill in your details below or click an icon to log in:

WordPress.com Logo

آپ اپنے WordPress.com اکاؤنٹ کے ذریعے تبصرہ کر رہے ہیں۔ لاگ آؤٹ / تبدیل کریں )

Twitter picture

آپ اپنے Twitter اکاؤنٹ کے ذریعے تبصرہ کر رہے ہیں۔ لاگ آؤٹ / تبدیل کریں )

Facebook photo

آپ اپنے Facebook اکاؤنٹ کے ذریعے تبصرہ کر رہے ہیں۔ لاگ آؤٹ / تبدیل کریں )

Google+ photo

آپ اپنے Google+ اکاؤنٹ کے ذریعے تبصرہ کر رہے ہیں۔ لاگ آؤٹ / تبدیل کریں )

Connecting to %s